PROVINCE OF CEBU- Nagsilyo sa mas lig-on nga pakigtambayayong ang Kagamhanang Lalawigan sa Sugbo ug ang Philippine Red Cross atol ilang panagagbo niadtong Martes, Hulyo 15 aron hisgutan ang inisyatiba sa panglawas sa lalawigan.
Ang panagtigom kay gipanguloan ni Dr. Elisse Nicole “Nikki” Catalan isip pro-bono consultant for health sa Kapitolyo ug ni PH Red Cross Cebu Chapter Administrator Maria Vera de Jesus uban sa mga Board of Directors niini sa Cebu City Chapter ug Lapu-Lapu City Chapter.
Gani ang grupo mihimo usab og courtesy call kang Cebu Governor Pamela “Pam” Baricuatro diin ilang gihisgotan ang hiniusang misyon sa pagpasiugda og community welfare ug pagpalambo sa support mechanism alang sa disaster and health-related programs.
Gipasalamatan ni Dr. Catalan ang PH Red Cross Cebu sa ilang pagbisita ug paghatag kaalam sa Kapitolyo sa mga dapit sa lalawigan ang gikinahanglan ang tino nga pagtagad ilabi na sa bahin sa disaster preparedness, welfare, safety, health services, ug blood services.
Pipila lamang sa flagshig programs sa PH Redcross mao ang Blood Samaritan Fund, RC143 Vounteers, Membership and Fund Drive, Disaster Management Services, the REACH Project ug uban pa.
