CEBU CITY- Nipahigayon og Meeting ang kadagkuan sa Kapulisan sa Cebu City Police Office alang sa Presentasyon sa Deployment Plans alang sa 460th Fiesta Señor ug Sinulog Festival 2025 nga mga Kalihokan ug Send-Off Preparasyon para sa SINULOG 2025, kagahapong adlawa January 6, 2025.
Kini gipanguluhan ni Cebu City Police Office (CCPO) Director, PCOL ANTONIETTO Y CAÑETE, nga gipahigayon sa Conference Meeting kalabot sa presentasyon sa tagsa-tagsa ka deployment plans alang sa 460th Fiesta Señor ug Sinulog Festival 2025 nga mga kalihokan, lakip na ang send-off preparations para sa SINULOG 2025 nga gipahigayon sa CCPO New Conference Room, Camp Sotero Cabahug, Gorordo Avenue, dakbayan sa Sugbo.
Gitambongan ang maong tigom sa CCPO Command Group, CCPO Staff S1 to S9, Station Commanders sa PS1 to PS11, sa Force Commander (FC), City Mobile Force Company (CMFC), SWAT, ug CESPO.
Ang mahinungdanong agenda sa miting naglakip sa katapusang pagrepaso sa Deployment Plan alang sa 460th Fiesta Señor ug Sinulog Festival 2025 nga mga kalihokan, ingon man ang kataposang pagpangandam alang sa SINULOG 2025 Send-Off Ceremony.
Hingpit nga gihisgutan ng tagsa-tagsa nga mga buluhaton ug mga responsibilidad aron masiguro nga ang tanan nga mga kinahanglanon sa operasyon naa sa lugar alang sa umaabot nga kapistahan.
Sa iyang mensahe, ang City Director sa CCPO nihatag og gibug-aton sa kamahinungdanon sa hingpit nga suporta ug kooperasyon sa tanang personnel aron masiguro ang malinawon ug malampuson nga pagsaulog sa 460th Fiesta Señor ug Sinulog Festival 2025.
Ang miting natapos sa mga alas 4:30 sa hapon sa sama nga adlaw nga adunay mabungahon nga diskusyon.
