Nagtuo si International Criminal Court (ICC) Assistant to Counsel Atty. Kristina Conti nga adunay 80% nga tsansa nga ang kaso ni kanhi Presidente Rodrigo Duterte mopadayon sa trial.
Kini nagsunod sa desisyon sa international tribunal bahin sa isyu sa hurisdiksyon niini sa pag-imbestigar sa “war on drugs” nga gipatuman sa miaging administrasyon.
Sumala ni Conti, ang bag-ong desisyon sa ICC usa ka klaro nga senyales sa pagpadayon sa imbestigasyon aron mahibal-an kung kinsa ang ubang mga naghimo o kakunsabo sa kanhi presidente sa pagpatuman sa madugoon war on drugs.
Miingon siya nga kini usa usab ka senyales alang sa posible nga pag-aplay sa dugang nga mga warrant of arrest batok sa ubang mga personalidad.
Gipasiugda ni Conti nga kung adunay sunod nga dakpon, sama ni Sen. Ronald “Bato” Dela Rosa, mas maayo kung kini ipatuman dayon.
Gitambagan usab sa abogado ang Senador nga itugyan na lang ang iyang kaugalingon sa hurisdiksyon sa korte ug pangutan-on kini sa merito sa kaso nga ipresentar kaniya.
Miingon siya nga mahimo kini sa Senador, labi na kung ang iyang kampo nagtinguha usab nga pangutan-on ang mga warrant nga mahimong gi-isyu o wala pa gi-isyu sa international tribunal.
