CEBU CITY-Gihikay na sa kapulisan sa Lungsod sa Cordova ang tukmang kaso sa duha ka mga menor de edad ug usa ka hamtung subay sa reklamo sa usa ka 15-anyos nga biktima sa pagpanglugos sa naasoy nga Lungsod.
Kini ang gitino ni Police Major Michael Gingoyon ang hepe sa Cordova Municipal Police Station, nga ilaha nang na rescue ang duha ka lalaki nga menor de edad nga naa sa Municipal Social Welfare Development sa Cordova ug ang hamtung nga nga lalaki naa na sa ilahang Costudial.
Dugang ni Gingoyon, nga uban nag inom ang 15-anyos nga babayeng biktima ug ang tulo ka mga suspetsado kinsa iyaha rang mga higala ug gumikan sa kahubog nagkasinabot sila sa usa sa mga suspek nga maghilawas, apan ang duha ka higala niini nga gipangtumbok usab nga mga suspek walay pagtugot gikan kaniya nga hilabtan siya.
Gumikan sa kahubog sa biktima, wala nahitabu ang pagpanglugos sa Sitio Datag Brgy. Buagsong lungsod sa Cordova.
Andam ang biktima nga pasakaan ug kaso ang duha ka suspek apan walay apil ang usa nga iyang giangkon nga nagkasabot gayud sila niadtong tungora.
Subay niini, gipahimangnuan ni Police Major Michael Gingoyon ang mga ginikanan sa mga menor edad nga kinahanglan nilang tutukan ug bantayan ang lihok sa ilahang mga anak arun sa ingun dili na masubli ang maong panghitabo.
Apan, gitino sa opisyal nga nagpadayun ang ilahang seminar ug information drive sa mga ginikanan ug sa mga anak.
