Opisyal nang gilusad sa Bombo Radyo Philippines ang “Dugong Bombo: A Little Pain, A Life to Gain” ang pinakadakong one-day bloodletting drive sa nasud, nga ipahigayon karung Nobyembre 15, 2025 (Sabado) sa 25 key areas nationwide uban sa 32 ka AM & FM stations, kauban ang Philippine Red Cross.
Kung diin, dinhi sa Cebu, ipahigayon ang Dugong Bombo 2025 sa SM City Cebu, 3rd Floor, Cinema B Hallway, gikan sa alas 8 sa buntag hangtud sa alas 5 sa hapon.
Giawhag mismo ni Philippine Red Cross Chairman ug kanhi Senador Richard “Dick” Gordon ang publiko nga mosalmot, mokuyog ug mahimong miyembro sa Red Cross sa umaabot nga Bloodletting Activity nga ipahigayon sa Bombo Radyo.
Matod pa ni Gordon, dako kaayong tabang ang matag litro sa dugo nga ihatag aron maluwas ang kinabuhi sa mga pasyente nga nagkinahanglan.
Ang mga successful blood donor ang makadawat og Philippine Red Cross blood card, Dugong Bombo 2025 t-shirt (until supply last), Hot meals, snacks and drinks ug vitamins, ingon man ang uban pa nga mga freebies.
Subay niini, karung tuiga, nanawagan na usab ang Bombo Radyo sa among mga partners, stakeholders, ug lokal nga komunidad sa pagboluntaryo ug paghimo og makahuluganong kausaban.
Arun nga makaparehistro, mahimong mokontak o mobisita dinhi sa Bombo Radyo Cebu, ana akita mahimutang sa 87-A Borromeo St., Barangay Pahina Central, Cebu City. Mamahimo usab nga mag-message sa among Facebook page – Bombo Radyo Cebu o dili ba kaha mo text o motawag sa 0998-591-6384 | 418-4071.
