MANDAUE CITY- Paimbestigaran karon sa mayorya sa dakbayan sa Mandaue ang alegasyon batok sa magtiayong Ouano-Dizon nga gipasaka sa buhatan sa Office of the Ombudsman.
Kini human ang komentarista sa radyo nga si Edward Ligas ni Mandaue Lone District Congresswoman Emmarie “Lolypop” Ouano-Dizon ug iyang bana nga si Opao, Mandaue City Barangay Captain Nixon “Jojo” Dizon kabahin sa giingong illegal nga pag-acquire sa luna nga 2,500 square meters nga kabahin sa 186 ka ektarya nga reclamation contract tali sa kagamhanang dakbayan sa Mandaue ug usa ka pribadong developer niadtong tuig 1992.
Giduso ang maong mosyon ni Mandaue City Councilor Cynthia Remedio atol sa regular session sa Mandaue City Council kagahapong adlawa sa Lunes Septiyembre 30, 2024.
Gilangkoban ang maong mosyon sa co-proponentship nilang Konsehal Malcolm Sanchez, Jimmy Lumapas, Jesus Arcilla, Marie Immaline Zafra, Jennifer del Mar, Editha Cabahug, Oscar del Castillo, ABC President Dante Borbajo ug ni SK Federation President Fleuritz Jumao-as.
Ang maong luna nga giingong nahimutang sa Barangay Centro sa naasoy nga syudad nga giingong ubos sa pagpanag-iya sa kagamhanang dakbayan hinungdan sa kasong plunder ug uban pa ang gisang-at ni Ligas.
Tungod niini, nanawagan ang mayorya sa mga konsehal sa Sagguniang Panlungsod nga imbestigahan ang maong pasangil.
