Gipahinumduman sa Korte Suprema ang mga amo nga pamatud-an ang sweldo nga gibayad sa mga empleyado.
Ug kon gani walay mahawatag nga payslip kay mamahimo kini nga gamiton isip ebidensya sa mga kaso nga naglambigit sa giingong mga labor violations.
Matud sa Korte Suprema nga kini nagmando nga ang mga amo kinahanglang mag-isyu og payslips aron pamatud-an nga ang mga empleyado gibayran gayod sa ilang mga suweldo.
Ang kaso naggumikan sa 2001 nga reklamo nga gisang-at sa 49 ka mga piloto sa Philippine Airlines (PAL) kansang trabaho gitangtang human sila nagpahigayon og strike niadtong 1998 batok sa dili makiangayon nga labor practices sa PAL.
Niadtong 2013, ang Court of Appeals mihukom nga ang Philippine Airlines (PAL) napakyas pagmatuod nga nakabayad kini sa mga suweldo, allowances ug 13th month pay sa kanhi nilang mga empleyado.
Gisuportahan sa Korte Suprema ang desisyon sa korte sa apelasyon karong tuiga, uban ni Chief Justice Alexander Gesmundo.
