PROVINCE OF CEBU-Nabuy-od og napalgang wala nay kinabuhi ang magtiayon sulod sa usa ka payag sa Purok Boongon, Barangay Canagahan, lungsod sa San Remigio, ning amihanang bahin sa Sugbo Miyerkules, Agosto 7, 2024.
Giila ang duha nga sila Remedios Veronas Sibay, 59-anyos kinsa ang asawa ug si Julito Abella Sibay, 61-anyos kinsa ang bana ug ang suspek sa pagpatay sa iyang kaugalingon ug sa iyang asawa nga parehong adunay samad sa ulohang bahin.
Nasuta nga ang magti-ayon kay mga mag-uuma og giingung nag-ugat ang panaglalis sa problema sa kwarta.
Subay sa imbestigasyon sa kapulisan sa maong lungsod, nga ang anak sa magtiayon nga giilang si Michelle ang nakakita sa patay nga lawas sulod sa panimalay sa iyang igsoon pasado alas 11 sa buntag niadtong adlawa.
Kung diin sa duyan napalgan ang lawas ni Julito ug sa salog napalgan ang lawas ni Remedios.
Nakuha sa kapulisan gikan sa crime scene ang usa ka .38 revolver, duha ka buhing bala ug tulo ka basiyo sa bala.
Dugang pa, nga nakuha gikan sa crime scene ang usa ka kalibre .38 nga revolver, duha ka buhing bala ug tulo ka basiyo sa bala.
Gisuwayan pa sa pagdala sa tambalan ang duha apan gideklarar kini sa mga doctor nga dead-on-arrival.
