CEBU CITY-Gipusil ug namatay ang usa ka lalaki kinsa wala pa mailhi, samtang usa ang kritikal sa saag nga bala sa 11th Avenue, Barangay Tejero, dakbayan sa Sugbo alas 7:40 sa gabii sa Biyernes, Septiyembre 1, 2023.
Sa imbestigasyon sa Waterfront Police Station, ang biktima nagkaon sa usa ka restaurant sa maong dapit uban sa duha ka babaye dihang mipatim-aw ang mamumuno ug gipusil.
Nakaangkon og duha ka samad pinusilan sa ulo ug lawas ang biktima nga nagsul-ob og itom nga jacket ug short.
Ang nag-atake, sa laing bahin, nagsul-ob og Grab delivery jacket ug full-face helmet.
Matod sa pipila ka mga saksi, gipusil pag usab sa mamumuno ang biktima sa lawas human kini matumba.
Usa ka babaye sa duol naigo usab sa saag nga bala ug gideklarar nga patay na usab sa Vicente Sotto Memorial Medical Center.
