CEBU CITY-Patay ang usa ka on-call construction worker human gipusil sa wala pa mailhing mamumuno sa may Sitio Malipayon Brgy. Inayawan dakbayan sa Sugbo.
Naila ang biktima nga si Julius Gomez, 50 anyos ug residente ra usab sa naasoy nga dapit.
Matud sa imbestigador nga si Police Corporal Jaymos Todios sa Inayawan Police Station basi sa mga statement sa mga minors nga nakakita, naglakaw lang ang suspect sa dihang mipusil sa biktima.
Matud pa usab niini nga gikan nga nanuwa ang biktima sa iyang binuhing salapati (dove) distansya sa iyang panimalay sa dihang gipusil sa makadaghang higayon.
Dead on the spot ang biktima human maka-angkon ug daghang igo sa dughan ug sa kilid nga bahin sa iyang lawas.
Dugang pa ni Todios nga basi sa ilang imbestigasyon, usa kini ka drug user sigon pa sa anak niini apan mao pa kini ang ilang giberipikar sa pagkakaron ug ingon man sa motibo nga posibling drug related.Ila pa usab sutaon kung naa ba kini sa surrenderee list.
Wala usab makuha nga eye witness ang kapulisan sa pagkakaron tungod kay dili makatarong og hulagway ang mga nakakitang menor de edad sa mga detalye ug ingon man wala usab sila nakuha nga CCTV sa area sa nahitabo-an.
