MANDAUE CITY-Patay ang usa ka lalaki human kini nakigbayloay ug pusil sa mga sakop sa kapulisan sa dakbayan sa Mandaue kagahapon sa kadlawn sa adlaw nga Lunes Septiyembre 23, 2024.
Giila ang suspek nga si Anthony Abasoto nga lumulupyo sa Sitio Lourdes, Barangay Jagobiao sa dakbayan sa Mandaue kinsa patay human sa agresibo nga nakigpusil sa mga sakop sa pulis.
Nahitabo ang insidente sa silingang dapit sa Sitio Mahongany sa samang barangay pasado alas 12:30 sa kadlawn.
Sa inisyal nga imbestigasyon, girespodihan sa kapulisan ang maong dapit kay tungod sa alarma nga adunay indibidwal nga naghupot ug armas ug didto napalgang sa mg aawtoridad si Anthony kini adunay posesyon sa duha ka kalibre 38 nga pistola.
Apan sa dayong pagsurrender niini sa armas, kalit nga mipabuto ang suspek ug diha nahitabo ang pagbayloay.
Hinuon walay naangol sa mga sakop sa kapulisan apan didto na igo sa pusil ang suspek kaduha sa dughanan ug kausa sa likod nga bahin.
Sa hingpit nga pagkatapos sa panghitabo, nasayran usab sa mga kapulisan ang pipila ka pakete sa ginadili nga drogas sa bulsahan niini.
Kasayran sab nga bago lang nakagawas gikan sa prisohan ang suspek sa kalambigitan sab sa illegal nga drugas.
