INDIA – Giputol sa usa ka botante sa New Delhi ang iyang tudlo human nasayran nga dili mao ang iyang gibotar nga partido.
Mi-angkon ang botanteng si Pawan Kumar nga naglibog siya sa simbolo sa iyang ibotar nga partido sulod sa voting precinct.
“He was very happy that he was voting for the first time ever,” ingon ang igsuon ni Kumar nga si Kailash Chandra.
Nagpadayon ang voting period sa India diin moabot kini sa 7 ka mga phase ug gikatakda kini nga mahuman sa Mayo 19.
Adunay managlahing simbolo sa matag partido — nagrepresentar ang buwak nga lotus sa regional party sa Uttar Pradesh nga Bharatiya Janata Party, samtang nagrepresentar ang elepante sa partido ni Prime Minister Narenda Modi ang Bahujan Samaj Party.
Matud ni Kumar nga buot niyang ibotar ang elepante apan napilian niya ang lotus.
Human niya masayran ang pagkasipyat niini, miuli kini dayon sa ilang panimalay dayon og putol sa iyang tudlo.
Dugang pa ni Chandra nga naglagot ug nagmahay si Kumar sa iyang nabuhat sa dihang iyang gitan-aw og balik ang tudlo nga nabutangan og indelible ink.
Nasayran nga patuluan og indelible ink ang tudlo sa matag botante sa India inig human og pili sa ilang partido.
Bisan pa man sa iyang gi-angkon nga sayop, mitino si Kumar nga wala siya gipugos sa partido gumikan kay tiunay man ang iyang pag-angkon sa sayop.
