CEBU CITY-Mohatag ang kagamhanan sa dakbayan sa Sugbo og tabang ngadto sa mga OFW nga Sugboanon nga anaa sa Israel ug andam kini mohatag og tabang sa mga nanginahanglan nga mobalik sa nasud.
Nunot sa nagpadayun nga kagubot sa Israel ug militante nga grupo sa Hamas diin napiit ang mga Pinoy.
Gimanduan ni City Mayor Michael Rama ang Department of Manpower Development and Placement (DMDP), diin gipanguluhan ni Engr. Ma. Suzanne Ardosa.
Subay sa maong mando nga makig-alayon sa mga ahensya aron ma-update sa kahimtang sa mga OFWs didto sa Israel ug Palestine lakip na niini ang national government agencies, sama sa Department of Migrant Workers (DMW) ug sa Overseas Workers Welfare Administration (OWWA).
Sa kasamtangan walay nadawat nga tawag ang kagamhanan nga adunay nangayo og tabang gikan sa mga sa mga pamilya sa Sugbuanon nga anaa sa laing nasud.
