Gipasabot ni Mark Anthony Ynoc, ang Vice President sa Prime Movers Total Logistics Inc., nga bisan kung unsay mahitabo sa logistic industry, labi na sa krudo, apetado gayud ang presyo niini ug laoman nga mosaka ang tanan.
Gidugang ni Ynoc, ang fuel adunay 65-70% sa operational sa usa ka logistic company, hinungdan nga sa ilahang logistic usab.
Mao kini ang pamahayag ni Ynoc atol sa eksklusibong pakighinabi sa kaniya sa Bombo Radyo Cebu newsteam, diin iyang gitino nga ang mahitabo kung mo-stick sila sa kantidad nga nagsaka usab, wala na usab silay kapilian busa mo “passive” usab sa mga konsumedor sa ilahang kliyente.
Samtang, gikabutyag usab niya nga sa karon, naningkamot sila nga i-regulate ug dumalahon ang ilahang habig, diin kung pananglit ang umento anaa sa 30%, ilahang i-absorb ang katunga ra niana.
Dugang niya nga nilabayng 3 ka semana, ang giumento sa kinatibuk-ang kantidad sa logistics anaa sa 45%, hinungdan nga nakahatag kini nilag tumang kabalaka.
Busa, naningkamot usab sila sa pag-aghat sa National Government nga hingpit nang suspensohon ang excise tax, ug ingun man ang Value Added Tax (VAT).
