CENTRAL VISAYAS-Nipahimangno ang buhatan sa Land Transportation Franchising adn Regulatory Board- Central Visayas (LTFRB-7) nga dili nalang mamasahero sa kadalanan ang mga unconsolidated jeepneys aron mailikay kini nga madakpan.
Kini subay sa polisya sa LTFRB ug sa Land Transportation Office nga dakpon ang mga unconsolidated jeepneys isip mga colurum nga mga units sa ilang prangkisa.
Matud ni LTFRB Central Visayas Regional Director Eduardo Montealto nga adunay mga personahe sa mga Local Traffic Enforcement Units sa matag lungsod ug dakbayan ang otorisado manakop kung sila deputized sa LTO sa ilang mga polisiya sa operasyon.
Giklaro sab ni Montealto nga ang proseso sa pagkonsolidad sa mga public utility vehicles ang usa sa pinakalisod nga lakang nga gipahigayon sa administrasyon nga Public Utility Vehicle Modernization Program (PUVMP).
Nagpaabot pa usab sa LTFRB Central Office ang mga regional district offices niini sa rules of engagement ang aron sa saktong pagkoordinasyon para sa PUVMP.
Nakapadala na ang LTFRB-7 ug show cause orders sa 89-ka mga franchise holders gawas sa 480 sa tibuok Central Visayas og padayon pa kini sa pagluwat sa maong dokumento.
Makamulta sa balor nga P50,000 ang mga colurum nga mga jeepneys drivers ug operatos kung padayon sila mamasahero sa kadalanan.
