Gipalapdan karon sa buhatan sa Land Transportaion Office – Central Visayas (LTO-7) ang ilang intensified plate distribution campaign pinaagi sa pakigtambayayong sa nagkadaiyang mga dealerships sa rehiyon.
Gani mismong si LTO-7 Regional Director Glen Galario ang nangulo sa panagtigom sa mga opisyales ug empleyado sa buhatan para sa maong kampanya.
Niadtong Hulyo 15, nakigpulong kini sa mga motorcycle dealerships ug pag Hulyo 17 sa mga four-wheel motor vehicle dealerships aron sa paghisgot sa ilang tinguha nga ma-apod na ang mga plaka sa mga customers nila.
Ingon man nga taas ang paglaom ni Galario sa mga dealerships nga mutuman sa ilang responsibilidad isip kabahin sa kampanya niining walay nabaligyang behikulo nga walay tukmang plaka sa dili pa ang Oktubre 31 ning tuiga nga maoy gitakda sa administrasyon.
Gihangyo niini ang full cooperation sa mga dealerships sa maong kampanya ug mimando sa pag-distribute na tanang available physical plates.
Gani sa maong panagtigom kay nahisgutan sab niini ang mga motorcycle plates gikan sa tuig 2017 paubos kay ma-claim na sa ilang bag-ong Registration Unit sa adunay MV File Number 0701 ug uban pang mga LTO field offices ug licensing centers sa rehiyon.
