Nipirma si Luka Dončić og tulo ka tuig nga kontrata nga nagkantidad og $165 milyon sa Los Angeles Lakers, nga nagpabilin kaniya sa team hangtod sa 2028.
Diin lakip sa kontrata ang player option alang sa katapusang tuig, aron sa pagsiguro nga ang Slovenian superstar mahimong usa ka long-term fixture uban sa Lakers.
Sa usa ka press conference, si Dončić miingon nga usa ka dungog alang kaniya nga mahimong kabahin sa Lakers ug iyang ipadayon ang iyang pangandoy nga makatampo sa mga kampiyonato ug mahimong kabahin sa mga legend sa team.
Ang 26-anyos nga guard nakuha gikan sa Dallas Mavericks niadtong Pebrero, ug nakahatag dayon og dakong epekto sa iyang unang season sa Los Angeles, nga nag-average og 28.2 puntos, 8.2 assists, ug 7.7 rebounds.
Bisan kung natapos ang ilang playoff run sa unang hugna, si Dončić masaligon nga ang Lakers adunay kusog nga makigsangka alang sa usa ka kampiyonato.
Uban sa kontrata, gipamatud-an pag-usab ni Dončić ang iyang dedikasyon sa pagpauswag sa iyang kondisyon ug pisikal human sa mga diskusyon bahin sa iyang fitness sa Dallas.
