Lungsod sa India, nakuha ang record nga nagpasiga og pinakadaghang lampara

Giila sa Guinness World Records ang usa ka lungsod sa India tungod sa pagpasiga sa 2.6 ka milyon nga lampara.

Ang seremonyas sa pasuga gihimo sa northern Indian temple sa lungsod sa Ayodhya, Uttar Pradesh, una pa sa Diwali, ang Hindu festival of lights.

Liboan ka mga boluntaryo ang nagdagkot ug mga lampara sa lana sa daplin sa sapa sa Saryu aron sa pagsaulog sa pagbalik sa ilang diyos nga si “Rama” sa iyang yutang natawhan human sa 14 ka tuig nga pagkadestiyero.

Nakuha niini ang Guinness World Records nga titulo nga “largest display of oil lamps” nga adunay kapin sa 2.51 milyon gikan sa Ayodhya City sa India.