CEBU CITY-Mukabat sa P102,000 ang kantidad sa gitu-ohang Shabu nga nakuha gikan sa usa ka manindahay ug prutas sa dalan Colon sa dakbayan sa Sugbo.
Giila ang dinakpan nga si Gilbert Gacayan Potot, usa ka 34-anyos ug lumulupyo sa Lariha, Barangay Kalunasan ning naasoy nga dakbayan.
Nakuha gikan kang Potot ang 15-ka gramos sa gitoohang shabu atoll sa buy-bust operation sa mga sakop sa Guadalupe Police Station didto sa Singson St., Barangay Guadalupe niadtong Sabado sa gabii Hulyo 20, 2024.
Matod pa sa dinakpan nga nahimo niyang mamaligya sa ginadiling Drogas tungod sa kaminus sa halin sa pamaligya sa prutas ingon man nga pamasin nalang aron dugang sa panginabuhian.
Nanghinaut pa ang suspetsado nga dili unta siya hukuman sa iyang binuhatan sa publiko kay agi og paningkamot ra kini niya.
Kasamtangang anaa sa kustodiya sa Guadalupe Police Station ang dinakpan samtang naghuwat sa ipasakang kaso.
