MANDAUE CITY-Wala mahadlok sa suspension order gikan sa Office of the Ombudsman si Mandaue City Mayor Jonas Cortes.
Kini ang pamahayag sa Mayor sa pagbuak niini sa kahilom kabahin sa miluwat nga suspension order kontra kaniya nga may kalabotan sa illegal appoint niini sa buhatan sa Social Welfare Services sa iyang kagamhanang dakbayan.
Giklaro sab sa Mayor nga bug-at ra kaayu ang usa ka tuig nga suspension batok kaniya kontra sa isyu nga iyang giatubang.
Ingon man nga ang rason nganu wala mahadlok ang mayor sa isyu kay tungod dili kini usa ka “corruption case” o kwarta sa katawhan nga gihilabtan.
Subay pa niya nga ang iyang desisyon sa pagtudlo ni Camilo Basaca Jr isip pangu sa Social Welfare Services sa dakbayan usa ka lakang aron matarong ang pagdumala sa serbisyo para sa iyang mga konstetuwente.
Kahinumduman nga gipatawan ug usa ka tuig nga pagka-suspenso si Mayor Cortes nga walay bayad o sweldo sa nakalabay nga adlaw tungod sa kasong gipasaka niini sa illegal nga pagtudlo ni Camilo Basaca Jr, kinsa kanhi pangu sa Mandaue City Social Welfare Services niadtong makalabay nga tuig nga dili man diay tukma ang qualification niya sa pwesto.
