Mipahigayon sa iyang Inaugural Address sa dakbayan sa Mandaue si City Mayor Thadeo Jovito “Jonkie” Ouano sa Mandaue City Sports and Cultural Complex kagahapong adlawa Lunes, Hulyo 7, 2025.
Gitambongan kini sa mga dagkong opisyales sa dakbayan lakip na sa iyang igsoong kongresista nga si Mandaue City Lone District Representative Emmarie “Lolypop” Ouano-Dizon, Vice-Mayor Glenn Bercede, ug mga konsehales sa dakbayan nga sakop sa 17th Sangguniang Panlungsod.
Nagtumong ang iyang inaugural address sa iyang pagpresentar sa iyang executive agenda sulod sa iyang 3 ka tuig nga administrasyon sa kagamhanang dakbayan.
Pipila niini ang hisgutanan sa accessible healtcare, dekalidad nga edukasyon , ug responsive nga mga serbisyo sa Kagamhanang Dakbayan.
Sa iyang speech, ang konstruksyon sa Mandaue City Hospital ug 7-ka andana nga building sa Mandaue CIty College ang iyang tapuson nga dugay nang gikahinam-hinam sa mga lumulupyo sa dakbayan sa Mandaue.
Gani hinaot niining mahimong Level II hospital ang City Hospital nga makahatod og full-service public health facility diin nabudgettan kini og P40-milyones sa nakalabayng tuig sa miaging administrasyon.
Samtang sa City College niini kay tinguha nilang mabutang sa permanent campus sa anhing Norkis Park sa Barangay Looc sa susamang dakbayan.
Ingon man nga aduna sab dugang pasaad ang mayor sama sa pagsulba sa poblema sa baha, pag-restore sa pampublikong merkado, plaza ug uban pa nga pinaagi sa Public-Private Partnerships (PPP).
Sa ulahi, nibuhi kinisa pamulong nga sa pagdasig nga naghinuusa ilang paglangtawn ug tumong sa pagserbisyo sa dakbayan sa Mandaue.
