Nagsang-at og counter-affidavit si Sen. Rodante Marcoleta sa Office of the Ombudsman aron pagtubag sa mga alegasyon nga wala niya gideklarar ang gibana-bana nga P75-M campaign donations sa iyang Statement of Assets, Liabilities, and Net Worth (SALN).
Kaniadto, ang kampo ni Marcoleta miinsistir nga ang mga donasyon giisip nga pribadong mga regalo ug dili mga campaign donations busa, dili kini ibutyag sa publiko.
Sumala sa senador, gidawat kini nga adunay maayong mga intensyon ug nangatarungan nga ang mga donor nihangyo nga ang ilang mga identidad magpabilin nga confidential.
Ang maong counter-affidavit tubag sa usa ka mando sa Ombudsman human girekomenda sa Field Investigation Bureau ang pagpasaka og mga kaso sa plunder ug indirect bribery batok kang Marcoleta, kanhi Quezon City Rep. Mike Defensor, ug laing duha pa.
Samtang niadtong Mayo 26, ang Sandiganbayan nag-isyu usab og Precautionary Hold Departure Order (PHDO) batok kang Marcoleta ug sa iyang mga kaubang akusado, aron mapugngan sila sa pagbiya sa nasud samtang nagpadayon ang imbestigasyon.
