CEBU CITY-Subling gibalibaran ni Metropolitan Cebu Water District (MCWD) board of directors chairman Jose Daluz III ang anunsyo sa Cebu City Hall bahin sa iyang pagkatangtang ug pagtaktak.
Matud ni Daluz, nga basta walay notice gikan sa Local Water Utilities Administration (LWUA), siya, uban sa ubang board members nga sila si Miguelito Pato ug Jodelyn May Seno, magpadayon sa paghupot sa ilang tagsa-tagsa ka posisyon.
Nasuta nga si Pato maoy vice chair sa board, samtang si Seno ang nagsilbing secretary.
Gitino Daluz, niingon nga moagi sila sa proseso.
Matod niya kung masunod ang proseso, kinahanglan pa nga pangutan-on sa LWUA ang ilang tubag subay sa rekomendasyon sa City Hall.
Una niini, ang Cebu City Hall nipahibawo niadtong Huwebes nga gitaktak na sila si Daluz, Pato, ug Seno sa ilang tagsa-tagsa ka posisyon.
