Gihan-ay na sa Sinulog Foundation Incorporated (SFI) ang tanang mga aktibidad atol sa kapyestahan sa balaang bata ning tuiga.
Usa na niini mao ang gi-atangan sa tanan nga Grand Parade karong Enero 19 kung diin magtigi ang 26 ka mga dancing contingents gikan sa Sugbo ug mga kasikbit nga probinsya sa Visayas ug Mindanao.
Matud ni SFI Executive Director Elmer “Jojo” Labella nga kini na ang gitagana nga ihap sa mga contingents karong tuiga subay na sa hangyo ni Mayor Edgardo Labella.
Gibutyag ni Jojo Labella nga gusto sa mayor nga mahuman ang grand parade hangtud na sa alas-siete sa gabii.
Dugang pa niini nga ipakita sa matag contigents ubos sa Sinulog-based ug free interpretation categories ang de kalidad nilang performance.
Samtang andam na usab ang uban pang mga aktibidad sugod karong Enero 10 sama lang sa Sinulog sa Kabataan, Sinulog sa Barangay, Sinulog sa Palaboy, Sinulog sa SRP, ug uban pa.
