CEBU CITY-Mipadayag sa iyang kasagmuyo si Teody Navea, ang Secretary General sa Sanlakas Cebu, human nga wala natagamtaman ang mga giingon sa kasamtangang administrasyon nga adunay kalamboan ug kauswagan sa industriya sa agrikultura.
Gani sa gibutyag niini, nga ang mga gipatuman nga bag-ong polisya sa agrikultura maoy naka-ingon nga mas naglisod ug wala na’y makita ang mga mag-uuma human sa ilang ting-ani.
Ingon man nga nagpangita kini sa mga gipang-garbo sa gobyerno nga adunay kauswagan pinaagi sa pag-develop sa agrikultura, pagpataas sa domestic economy ug uban pa apan, asoy niini nga ang maong mga garbo, wala’y tin-aw nga direksyon ug wala’y klaro.
Dugang pa, nga kung ang tumong palamboon ang ekonomiya kinahanglan nga atimanon ang mga mag-uuma apan, sukwahi kini sa kamatuoran nga ilang nasinati ug pipila nalang ka mga ektarya ang ang natamnan.
Asoy pa niini nga ang mga bilyonaryo sa Pilipinas ang hilabihan nga nakapahimulos human nga pamaliton ang mga kayutaan ug tukoran og subdivision.
