Nagtuo ang House prosecution panel nga igo na ang ebidensya nga ilang gipresentar aron tangtangon sa katungdanan si Bise Presidente Sara Duterte tungod sa giingong bahandi nga dili matino ang tinubdan.
Matod ni lead prosecutor Representative Gerville Luistro, ang pagtangtang sa Bise Presidente mahimong ibase sa Article II sa impeachment complaint.
Diin naglangkob kini nga artikulo sa bahandi nga dili matino ang tinubdan, mga paglapas sa lagda bahin sa deklarasyon sa kabtangan (SALN), ug gidili nga mga interes sa negosyo.
Una nang gipresentar sa prosecution ang pagtuki gikan sa forensic accounting expert nga si Alexander Cabrera, nga nagbutyag sa giingong bahandi nga dili matino ang tinubdan nga mokabat sa 817.87 ka milyon ka pesos nga nalambigit kang Duterte ug sa iyang bana nga si Manases Carpio, gikan sa tuig 2022 hangtod 2025.
Apan, gihimakak ni Duterte ang maong mga pasangil, ug ang Senado ang modesisyon kung igo ba ang ebidensya aron siya mapamatud-ang sad-an.
