Patubagon sa Philippine National Police ang mga ginikanan sa mga menor de edad nga giingong giabusohan ni KOJC founder Pastor Apollo Quiboloy tungod sa pagtugot sa ilang mga anak nga mapaubos sa maong mga dautang buhat.
Matud ni PNP spokesperson Col. Jean Fajardo, ang mga ginikanan sa mga bata nga gidagmalan sakop sa KOJC ug nasayran nga ang mga menor de edad nga mga anak nga nag-edad pa lang og 12 ug 13-anyos.
Dugang sa opisyal nga wala kini makasabot nganong makapiyong ang mga mata mga ginikanan sa ngalan sa pagtuo ilabi na nga dili kini husto.
Matud pa niya nga wala’y ginikanan ang angay nga motugot sa bisan kinsang indibidwal nga mopahimulos sa ilang mga anak.
Kon gani mapamatud-an nga tinuod nga nahitabo ang sexual abuse ngadto sa mga biktima, manubag ang ilang mga ginikanan.
Samtang, si PNP chief Gen. Rommel Marbil nga adunay mga menor de edad ang nidangop sa kapolisan atol sa ilang 16 ka adlaw nga pagpangita sa KOJC compound sa siyudad sa Davao aron mangayo og tabang.
Sa pagkakaron, anaa na sila sa proseso sa pagdokumento sa mga asoy sa bag-ong mga biktima. Mopasaka usab og dugang kaso ang PNP batok sa napriso nga pastor dugang pa sa nagpadayong husay.
