MANDAUE CITY-Magpatuman ang Mandaue City Jail Female Dormitory sa mga piniriso niini og electronic visitation o “e-dalaw” para makauban ang miahal sa kinabuhi karong pagsugat sa Bag-ong Tuig.
Kini ang kahigayonan nga gihatag sa Bureau of Jail Management and Penology (BJMP) Mandaue City aron ag mga Persons Deprived of Liberty (PDLs) niini kay makauban nila ang ilang mga mahal sa kinabuhi nga dili makabisita sa personal tungod sa suliran sa pangwarta, oras, o ang gilay-on niini.
Sa pagkakaron, adunay 99 ka mga PDLs ang anaa sa maong pasilidad og mahatagan sa higayon nga ma video call ilang pamilya sa umaabot nga okasyon.
Ingon man nga ang maong pasilidad sab kay aduna lamang limitadong espasyo para sa mga bisita nga muduaw diin tugotan llamang ang matag PDL sa bisitang duha ka miyembro sa pamilya.
Tugotan lamang ang kahigayonan nga mapatuman hangtod alas 12:30 sa gabii ig tungtung na sa Enero 1 human kay dapat na silang mamalik sa ilang mga sleeping quarters.
Bisan pa man sa naandan “lights-out” time sa alas-10 sa gabii, gitugotan sa jail management nga malugwayan ang oras alang sa maong selebrasyon nga base sab sa hangyo sa PDLs.
