Gidudahan ni Defense Secretary Gilberto Teodoro, Jr. nganong wala mag-inspeksyon ang mga lokal nga kagamhanan sa mga ilegal nga Philippine Offshore Gaming Operators o POGO duol sa mga base militar.
Gitumbok ni Teodoro ang gi-raid nga scam hub sa Bamban, Tarlac nga gipangulohan sa gitaktak nga mayor nga si Alice Guo.
Ang nasangpit nga scam hub naglangkob sa 32 ka mga edipisyo ug duha lang ka minuto ang gilay-on gikan sa Training and Doctrine Command sa Philippine Army ug Light Armor Division sa Capas, Tarlac.
Midistansya ang kalihim sa imbestigasyon kon tinuod ba nga espiya si Guo diin una ng napamatud-an nga usa ka Chinese national ug nalambigit sa ilegal nga kalihokan.
Kalabot niini, gipahimangnoan ni Teodoro ang mga lokal nga kagamhanan nga magmatngon sa pagdawat sa mga kadudahang hinabang nga mahimong gamiton niadtong gustong mosamok sa ekonomiya ug politika sa nasud.
