CEBU CITY — Gihulagway ni Atty. Marchel Sarno, ang election officer sa Cebu City North District, nga magkagubot gayud kung dili mahinayon ang umaabot nga bugnong lugaynon karong tuig 2022.
Kini subay na sa kontrobersyal nga hangyo ni Pampanga Rep. Mikey Arroyo sa Commission on Elections (Comelec) nga i-postpone ang 2022 national and local elections tungod sa epekto sa coronavirus pandemic.
Gipasabot ni Sarno nga ang piniliay mao ang panahon aron sutaon sa mga botante kung nanarbaho ba ang mga napiling opisyal sa gobyerno.
Matud usab niini nga mao gayud ang tukmang panahon aron hukman sa katawhan ang mga elected officials.
Gitataw sa election officer nga gitakda sa Batakang Balaud ang pagpahigayon sa pinilay matag tulo ka tuig, gawas lang kung i-amyendar ang kasamtangang Konstitusyon.
Lahi kini itandi sa barangay elections kung diin mahimong madesisyunan sa Kongreso kung ibalhin pa ba ang schedule sa pagpahigayon niini.
