PROVINCE OF CEBU-Gi-apuran sa mga Mobile Medical Clinics ang 16-ka probinsya sa kabisay-an atol niadtong Opening Salvo sa ika-455 nga founding anniversary sa probinsya sa Sugbo didto sa Cebu Provincial Capitol niadtong Lunes, Agosto 5, 2024.
Ang maong turnover ceremony gipangulohan ni First Lady Liza Arantea-Marcos, Department of Health Secretary Dr. Teodoro Herbosa, Undersecretary Dr. Glenn Mathew Baggao, ug ni Cebu Provincial Governor Gwendolyn Garcia.
Lakip sa mitambong sa maong seremonyas kay ang mga prominenteng lider sa kabisay-an nga naglakip nila Siquijor Governor Jake Villa, Gobernador Ben Evardone sa Eastern Samar, Southern Leyte Governor Damian Mercado, Iloilo Governor Arthur Defensor Jr., Guimaras Governor JC Rahman Nava, Negros Occidental Governor Eugenio Jose Lacson, Aklan Governor Jose Enrique Miraflores, Bohol Governor Aris Aumentado ug ingon man ang mga provincial health officers niining mga nagkadaiyang probinsya.
Ang naasoy nga mga mobile medical clinics adunay mga moderno nga kagamitan sa medikal, sama nalang sa X-ray, ultrasound, ug screening sa dugo.
Dugang pa nga ang maong mobile clinic adunay himan nga ultrasound examination light, reagent refrigerator, binocular microscope, stethoscope, ophthalmoscope, clinical centrifuge, hematocrit centrifuge, hematology analyzer, handheld electrolyte analyzer, ug telemedicine set.
Kini nagtumong sa pagpalambo sa serbisyong panglawas sa Eastern, Central, ug Western Visayas.
