Mitaliwan na sa 89-anyps ang matriarch sa Barretto nga si Estrella “Mommy Inday” Barretto adlaw nga Huwebes, Enero 29, 2026.
Gikumpirmar kini sa usa sa iyang mga anak, nga si Joaquin “JJ” Barretto, pinaagi sa iyang social media nga adunay litrato sa usa ka nagsiga nga kandila nga adunay caption nga, “Rest in peace, Mom. I love you.”
Sa miaging semana, si Mommy Inday gibalhin sa Intensive Care Unit sa Saint Luke’s Medical Center sa BGC, Taguig, human migrabe ang iyang kondisyon.
Bisan wala pa mahibal-i ang hinungdan sa iyang kamatayon, nabutyag niadtong Setyembre 2024 nga adunay siyay lupus.
Mahinumduman nga sukad sa unang semana sa Enero, si Mommy Inday na-confine sa ospital, ug si JJ maampingong nagpaambit sa social media bahin sa kahimtang sa iyang inahan hangtod sa iyang pagkamatay Huwebes sa buntag.
