Gihimug-atan ni Sta. Cruz Barangay Captain Jerome Lim nga nagka-ubos ang disaster funds sa barangay human sa duha ka mga dagkung sunog nga nitumaw sa barangay sulod lang sa usa ka semana.
Tataw pa niini nga dakung epekto sa ilang panudlanan ang nahitabong sunog ilabi na usab sa nagpadayun nga COVID-19 pandemic.
Gibutyag niini nga adunay P600,000 nga disaster funds ang barangay apan sa duha ka sunog nga nahitabo kay dili na kini paigo.
Sapagkakaron, padayun ang iyang panagtagbo sa sangguniang pangbarangay alang sa mag apod-apod sa disaster funds ilabi na nga matabangan ang mga biktima sa sunog.
Dili mominus sa 70 ka mga pamilya o 250 ka mga indibidwal karon ang gipahimutang sa Velez College gym duol sa barangay hall.
Diin nagbutang og mga tents ang City Disaster Risk Reduction and Management Office (CDRRMO).
Nahitabo ang unang sunog sa maong barangay niadtung Agosto 31, 2021 sa Arlington Pond diin pito ka mga kinabuhi ang nakalas human wala nakagawas sa ilang panimalay.
Samtang, gisundan kini sa sunog nga nitumaw sa Sitio Bugnay, Osmeña Boulevard niadtung huwebes sa gabie, Setyembre 2, 2021.
Matud pa ni Fire Officer 2 (FO2) Fulbert Navarro sa Cebu City Fire Office nga nagsugod ang ikaduhang sunog sa panimalay nga gipanag-iya ni Fernanda Ramos ug problema sa kuryente ang gitudlong hinungdan.
Diin 17 ka panimay ang naugdaw samtang 5 ka panimay ang partially burn.
Sa pakighinabi sa bombo news team sa usa sa mga nasunugan diin matod pa sa maong biktima ang hinungdan sa sunog mao ang electric circuit diin nagsugod kini sa kwarto sa amahan niini ug tungod sa maong insidente wala na kini natabang ug ingon man wa na kiniy nadala maski gamay lang.
Aduna na hinuoy napulo ka modular tent nga gehatag ang gobyerno, ingon man nang apod apod napud ug mga pagkaon apan kuwang pa gehapon ang mga nadawat nga hinabang sa biktima ug gumikan niini nanawagan si Myta Ramos sa mga gustong mutabang niini diin nanginahanglan pud kinig personal nga gamit.
Padayun gehapon ang DSWS nga programa sa dakbayan diin usab muabag kinig ginagmay nga materyales, pagkaon sulod sa tulo ka adlaw.
Sa ekslusibong pakighinabi sa bombo radyo cebu ngadto ni Cebu City councilor Dave Tumulak matod niini nga mudunol usab ang mayor sa sugbo ug personal na hinabang sa hingtungdan sa namatyan diin dako na kining abag sa pagpalubong sa sakop niini.//
Sa dugang detalye sa nahiunang sunog nga nahitabo pag martes sa Sto. Cruz diin usab gikumpirmar sa maong konsehal nga duha ang survivor sa pamilyang Carvajal ingon man ang usa nagtrabaho usab sa EOC diin wala kini nasayod nga nasunog na di ay ang panimay niini dihang ni duty kini.
Nanawagan usab ang naasoyng konsehal ngadto sa mga katawhan nga magmatngon ilabi na sa panahon nga gesagubang nato ron.// EKP
