CEBU CITY– Panghingusgan ni Cebu Provincial Governor Gwendolyn Garcia ang pagpa-imbestigar sa mga batan-on nga nagpakatap og sayop nga mga balita human nga mi-leak ang usa ka ‘messenger conversation’ nga nag-ingong dunay 7 ka tao nga namatay sa COVID-19 dinhi sa Sugbo ug gitago lamang sa gobyerno.
Gibutyag usab sa maong convo nga dunay 10 ka mga patay sa cosmopolitan funeral home dinhi sa dakbayan ang tungod Covid-19.Tungod niini, nasuko si Garcia ug gihinganlan pa niini nalambigit sa maong group chat nga sila Kevin Ebo, Cha-Cha ug usa ka Dimple kinsang nakabuhi og storya nga matud pa sa gobernadora pwede mamahimong grounds for libel.
Gihimug-atan usab ni Garcia nga walay gitago ang gobyerno kalabot sa impormasyon sa COVID-19 ug naningkamot ang Cebu Provincial Gov’t alang sa kaluwasan sa tanang Sugbuanon.
Pahimangno ni Garcia sa kung si kinsa man ang magpataka og pakatap og mensahe sa social media nga mag-atubang gyud kini og silot sanglit ila gyud kining i-trace. Lakip na niini ang si bisan kinsa nga mangutana lang apan gi-share na ang usa ka fake news.
