CEBU CITY-Nipadangat og pahasubo ang Bayan Central Visayas sa mga pamilya sa biktima sa makagun-ob nga panghitabo sa nidahiling landfill sa Binaliw, ning Dakbayan sa Sugbo niadtong milabayng semana, Enero 8.
Subay sa maong panghitabo, gikabutyag ni Jaime Paglinawan ang Chairperson sa Bayan Central Visayas nga usa kini ka matang sa leksyon dili lang sa gobyerno, apan lakip usab ang mga pribadong sektor kinsa nagmaniobra niining waste management disposal.
Mao kini ang gipaambit ni Paglinawan atol sa pakighinabi sa Bombo Radyo Cebu newsteam kaniya. Lakip sa iyang nahisgutan mao ang nilabayng mga red flag sa maong lugar, ug gihinomdoman nga niadtong 2019, aduna nay environment violation gipadangat niini, ug laing 2024 laing violation na usab, diin ang residente nagprotesta isip pagpadangat nga supak sila niining pasilidada.
Alang kang Paglinawan, mao kini ang angay leksyon sa gobyerno nga angay lang nga depensahan ang mga mamumuo.
Ingun man nga angay lang ikonsiderang criminalize ang mga kompanya o LGU nga nakaligis ug nakalapas sa lagda sa pagpanalipod sa ilahang mga empleyado.
