CEBU – Nakurat ang overseas Filipino worker sa Kuwait nga si Gio Miranda tungod kay napusa ug nahimong piso ang usa sa mga balut nga naabot kaniya niadtong Mayo 27.
Saysay ni Gio, nga tungod tulo ka tuig nga pagpanarbaho niini sa Middle East gimingaw kini sa nagkadaiyang pagkaon sa Pilipinas ilabi na ang balot hinundan nga nagpapalit kini sa iyahang kauban nga niuli ug nibakasyon sa nasod.
Nisugyot pa kini nga fresh o hilaw nga balot ang paliton ug dili kadtong naluto na aron dili mausab ang lasa.//
Nalingaw nalang kini dihang adunay nadunggan nga tingog sa maong package ug pag-abli nahimo nang piso ang itlog.
Nunot niini nakadesisyon kini nga maghimo og youtube channel tungod daghang netizen ang gustong makakita o makakuha og updates sa kinabuhi sa piso.
