CEBU CITY-Mi-apelar ang National Nutrition Council (NNC) ngadto sa nagkadaiyang sektor sa aron sa pagpangayo og suporta sa polisiya sa pagpalambo, paghatag serbisyo, pagmonitor, ug ebalwasyon sa bag-o lang gilusad nga Philippine Plan of Action for Nutrition (PPAN) 2023-2028.
Mao kini ang gibutyag ni Jovita Raval, ang Deputy Executive Director sa NNC kagahapong adlawa, Oktubre 4, 2023.
Gitambagan ni Raval ang mga ginikanan ug mga caregivers sa pagsiguro nga ang mga pamilya makadawat og igong nutrisyon sa pangadlaw-adlaw niini nga pagkaon.
Matod pa niini nga mamahimong makig-alayon ang mga katawhan ngadto sa mga local healthcare providers sa mga health centers alang sa pagpangayo og tabang kabahin sa nutrisyon gumikan kay adunay mga existing services kabahin ana ug gikinahanglan lang kini nga “i-access”.
Gihangyo usab ni Raval ang nagkadaiyang mga LGU nga magsugyot og mga ordinansa o lokal nga lehislasyon nga nagsuporta sa PPAN.
