Subling gipasalig sa National Security Council ug ang Office of the Presidential Adviser on Peace, Reconciliation, and Unity (OPAPRU) ang ilang hingpit nga suporta alang sa panaghisgot sa kalinaw tali sa gobyerno ug mga rebeldeng grupo.
Kini mao’y gipasiugda sa duha ka ahensya pinaagi sa ilang budget sponsors atol sa plenary deliberation sa gisugyot nga 2025 General Appropriations Bill sa Kamara.
Sa sunodsunod nga interpelasyon ni Gabriela party-list Rep. Arlene Brosas sa NSC ug OPAPRU, diin silang duha mihangyo sa posisyon sa mga pangulo sa mga ahensya sa peace talks.
Ug 100 porsyento nga makig-hiusa si Appropriations vice-chair Loreto Acharon, ang sponsor sa budget sa NSC sa tumong ni Presidente Ferdinand R. Marcos Jr. nga makabaton og kalinaw.
Matod niya nga mao kini ang hinungdan nga ilang gitun-an ang tanang mga ‘option’ aron makab-ot kini.
Nanghinaot sila nga moabot ang panahon nga gakson sa gobyerno ang nahibiling mga subversive groups alang sa malungtarong kalinaw.
Ingon man nga determinado usab ang gobyerno nga tapuson ug ipatuman ang proseso sa kalinaw uban sa mga armadong grupo.
