Nation’s Girl group nga BINI, anaa sa South Korea aron sa pagdawat sa pasidunggog

Anaa na sa South Korea ang Pinay girl group nga BINI alang sa ilang pagsalmot sa “Billboard K Power 100” sa Seoul.

Ang grupo gipili sa Billboard Philippines aron sa pasidunggog sa “Voices of Asia Awards”.

Gikatakda usab nga kantahon nila ang ilang bag-ong hit song nga “Cherry On Top” ug ang ilang kanta sa summer nga “Pantropiko” sa nahisgutang kalihukan.

Wala matago sa mga sakop sa grupo nga sila si Mikha, Stacey, Maloi, Sheena, Jhoanna, Colet, Gwen ug Aiah ang ilang kahinam nga mopasundayag sa nahisgutang kalihukan ug makadawat sa maong pasidungog.