Gibarugan ni National Bureau of Investigation Director Jimmy Santiago nga dili sila magpadala sa ilang pangutana kang VP Sara Duterte.
Subay kini sa unang gikatakda nga imbestigasyon sa NBI sa kontrobersyal nga pamahayag ni Duterte kalabot sa pagpatay kang PBBM, First Lady Liza Marcos ug House Speaker Martin Romualdez apan wala motunga ang bise presidente.
Gani, nihangyo hinuon ang kampo ni Duterte nga i-postpone ang iyang pagtambong ug nangayo usab ang iyang kampo og kopya sa mga pangutana nga mahimong ipangutana sa panel, lakip ang kopya sa reklamo nga gisang-at batok kaniya.
Apan, matod ni Dir. Santiago, dili nila mahatag ang hangyo ni VP Sara alang sa kopya sa mga pangutana.
Matod niya ang mahatag lang sa NBI mao ang kopya sa reklamo, samtang usa lang ka pangutana ang mahimong iduso kang Duterte, ug kini mao ang naghulga sa iyang kinabuhi.
Dugang ni Dir. Santiago, anaa pa hangtod Dec. 11 alang sa kampo sa ikaduhang presidente sa pagpangandam.
Ug kon gani dili gihapon mopatim-aw pagbalik si VP Sara sa maong petsa nga walay balidong rason, pahibalo, o tukma nga hangyo alang sa laing re-schedule kay mapugos ang NBI sa pagpadayon sa imbestigasyon ug moduso og rekomendasyon ngadto sa Department of Justice.
Ang kanhi huwes nipasalig nga patas ang imbestigasyon ug paminawon sa NBI ang tanang argumento ni VP Sara Duterte
