CEBU CITY-Nagpabilin gihapon nga anaa sa una ang National Capital Region sa overall ranking sa medal tally sa pagtak-op sa duwa gahapon adlawa alas 7:30 sa gabii.
Diin nakalangkat na kini og kinatibuk-ang 61 ka bulawang medalya, 47 ka silver medals ug adunay 56 ka bronze medal.
Ingon man nga gisundan gihapon ang NCR sa CALABARZON nga adunay 42 ka bulawang medalya, 32 ka silver medals ug 36 ka bronze medals ug nagpabilin sa ikatulong pwesto ang Western Visayas.
Apan, nigukod ang Davao Region sa pwesto sa Central Visayas human kini napun-an ang ilang bulawang medalya nga aduna na’y 24 samtang ang region 7 adunay 22.
Atangi ang dugang nga mga detalye sa Bombo Radyo ug Star FM kabahin sa panghitabo alang sa Special Coverage sa Palarong Pambansa 2024 nga gipahigayon sa dakbayan sa Sugbo.
