CEBU CITY-Girekomenda sa Mines and Geosciences Bureau sa Central Visayas (MGB-7) ang pagbalhin sa mga residente gikan sa lugar nga naapektuhan sa landslide sa Sitio Upper Cantipla, sa Barangay Sudlon II, dakbayan sa Sugbo.
Nunot sa rekomendasyon sa MGB-7, si Cebu City Councilor Jerry Guardo, ang chairperson sa Committee on Infrastructure sa Cebu City Council, niingon nga iyang irekomendar ngadto sa mga opisyal sa barangay ang pagdeklarar og “no build zone” sa maong lugar.
Kahinumduman nga 13 ka mga panimalay ang nangaguba sa pagdahili sa yuta nga nakaapekto sa 57 ka mga indibidual.
Gibutyag ni Konsehal Jerry Guardo ang Chairperson of the Committee on Infrastructure sa Cebu City Council nga subay sa rekomendasyon sa MGB-7 dili na kini pweding patukuran ug balik ang maong lugar gumikan sa hulga sa pagdahili sa yuta.
Dugang pa ni Guardo nga nakigtagbo ang Cebu City Government ug ang barangay alang sa pagplano sa lugar kung asa ibalhin ang mga residente,sa pagkakaron, ang mga apektadong residente nagpabilin sa ilang mga kabanay nga nagpuyo sa samang barangay.
