Giisa na sa red alert status ang Northern Luzon Command isip pagpangandam sa posibleng epekto sa Bagyong Uwan.
Matud ni Maj. Al Anthony Puebla, hepe sa Public Information Office sa Northern Luzon Command sa Armed Forces of the Philippines, ang tanang search, rescue, ug retrieval teams gipadala na sa ilang tagsa-tagsa ka lugar.
Dugang niini nga ang Northern Luzon Command adunay kinatibuk-ang 350 ka teams nga gilangkoban sa gibana-bana nga 3,500 ka personnel nga gi-assign sa nagkalain-laing bahin sa Central ug Northern Luzon.
Naglakip sa mga pwersa gikan sa Joint Task Force Kaugnay sa Region 3, Joint Task Force Tala nga nakabasi sa Region 1, Region 2, ug sa Cordillera Administrative Region, Northern Luzon Naval Command, ug Tactical Operations Group sa Northern Luzon.
Gawas pa niana, naka-standby na usab ang ilang mga asset sa land, sea ug air assets.
Gipaambit usab ni Puebla nga hugot silang nakig-alayon sa tanang lokal nga gobyerno ug nagkalain-laing ahensya, ilabina ang Local Disaster Risk Reduction and Management Offices sa Luzon, aron masiguro ang dali nga pagtubag ug paghatag og tabang.
Gipasalig usab niya nga ang mga personahe nga gipadala nakaagi na sa Water Search and Rescue training.
Samtang, gipahinumdoman ni Puebla ang publiko nga magpabiling alerto ug mokooperar sa mga awtoridad sa bisan unsang pahibalo aron malikayan ang mga dili maayong insidente.
