Gipakusgan sa Denver Nuggets ang ilang tsansa sa playoff pinaagi sa 117-109 nga kadaugan batok sa Memphis Grizzlies, inabagan sa makasaysayanong triple-double ni Nikola Jokic.
Si Jokic mirehistro og 26 puntos, 16 ka rebounds, ug 13 ka assists, diin mao na kini ang iyang ika-34 nga triple-double karon nga season.
Hinungdan nga siya karon ang ikatulong player sa kasaysayan sa NBA nga nakahuman sa regular season nga adunay triple-double average.
Kini maoy ikaduhang sunodsunod nga kadaugan sa Nuggets ubos sa interim coach nga si David Adelman, kinsa mihulip kang Michael Malone human kini gipalagpot human sa upat ka sunodsunod nga kapildihan.
Sa laing bahin, ang Los Angeles Lakers nagselyo sa ikatulong puwesto sa Western Conference human sa 140-109 nga kadaugan batok sa Houston Rockets.
Samtang ang Oklahoma City Thunder nagpabilin sa ibabaw nga puwesto human gipukan ang Utah Jazz, sa iskor nga 145-111.
