Nunot sa nitumaw nga hungihong nga adunay pagbati nga gitraydor si Vice Mayor Tommy Osmeña kang Mayor-elect Nestor Archival subay sa hisgutanan sa pag-aprobar ug pag-pasar sa revised Zoning Ordinance, diin, gihimakak kini sa ongoing mayor sa dakbayan sa sugbo nga walay kamatuoran nga adunay ni-traydor sa bise mayor, bisan pa wala pa sila magka estorya niini.
Mao kini ang iyang gipaambit atol sa pakighinabi sa Bombo Newsteam diin buot klarohon sa mayor nga wala gihapoy kamatuoran ang mga singgit sa mga katawhan ingun man sa mga carbon vendors nga gipasagdan sila sa pangu sa Sugbo.
Gihumug-atan usab ni Archival nga bisan paman og wala sila mobotar sa maong ordinansa, maduso gihapon kini kay “majority wins” ang masunod, apan adunay tsansa nga makapildi sila, apan ang Comprehensive Land Use Plan (CLUP) ma-aprobahan lang gihapon.
Gisaysay usab niini ang rason nganung nigawas kini nga hisgutanan gumikan ang gisugyot ug gipangayo sa mga vendors ug ni Bimbo Fernandez mao ang oras nga itagana aron sa pag-review.
Gi-angkon usab sa mayor nga aduna siyay kagustohan nga ang CLUP ma-aprobahan, kini gumikan nga sa tibuok Pilipinas ang Sugbo nalang ang nagpabilin nga walay CLUP sulod sa 29 ka-tuig, kay og wala kini, ang pag-usbaw sa Sugbo mag-anam anam og kakunhod.
Gidugang sa opisyal nga bisan pa og mopasar ang CLUP, dili gihapon niini mamahimong e-implementar ni Archival kay kini ang higayon nga ihatag niya ngadto sa katawhan ilabi sa sa mga reklamante aron ma-review kini. Buot pasabot niini, nga bisan paman sa luyo sa mga rason sa mga reklamante, magahinanan gihapon kini og oras ug panahon aron matuki ang maong hisgutananan.
Gihimug-atan usab sa Mayor nga wala kini gigama ang maong ordinansa nga makadaot lamang sa katawhan, apan, gihimo kini alang sa kaayohan ug kalamboan kawtahan ug vendors. | Bombo Irene Ardiente
