CONSOLACION,CEBU- Ni-alarma ang mga residente ingun man ang pipila ka mga opisyales sa Brgy. Polog Consolacion, Cebu, sa ilahang nasayran nga sa ilahang dapit temporaryong ipanglabay ang mga basura gikan sa nagkalain-laing barangay sa Dakbayan sa Sugbo.
Sa ekslusibong pakighinabi sa Bombo Radyo Cebu Newsteam kang Brgy. Polog Consolacion Councilor Lurimarc Jubay Alin, iyang giasoy ang mga problema nga gisagubang sa maong baragay og mga residente kabahin sa dumpsite, pero gitataw niya nga isip usa ka opisyales sa maong barangay naminaw sila sa habig sa ilang mga katawhan,apan aduna nalang siya’y nadawat nga taho nga ang barangay Polog nisanong na o nihatag nag permiso nga pasudlan na ang ilahang brgy og mga basura gikan sa Sugbo.
Apan, gisalikway kini sa maong konsehal kay walay nitando kabahin sa maong hisgutanan, ug igo lang sila nga galatag sa ilahang official statement, ug gidugang niya nga nasayud siya mga lokal nga opisyales, nga ang LGU ug DENR lang ang adunay bugtong gahom nga makadesisyon kabahin sa maong temporaryong inisyatiba.
Gidugang ni Alin nga gahapong adlawa, Enero 12, nasayran niya nga ang DENR niadto na sa Sanitary Landfill ug maghuwat nalang sila og 2 ka adlaw para sa resulta kung pasado ba o dili.
Iya usab nga gipasabot nga dili sa ingun nga nitando ang Brgy. Polog, tungod lang kay adunay technicalities ug posibleng makasohan sila.
Dugang niya nga una palang, wala gidawat sa ASEAN Energy ang basura nga naabot sa ilang pasilidad tungod kay sa mga lagda nga gisunod sa pasiliadad usab, ingun man nga ang mga kadagkoan sa barangay igo lang nagsunod sa mga sugyot sa mga residente.
Ingun man nga iyahang gitagaan og katin-awan nga walay nitando sa ilang habig, kay matod pa, giingong makasohan sila og magpabiling mobabag sila kay ang LGU ug DENR lang ang giingong adunay gahom nga motando sa maong kalihokan.
