Nipagawas og pamahayag si Outgoing Cebu Governor Gwen Garcia kabahin sa nilusot nga desisyon sa Office of the Ombudsman nga pamultahon siya og P30,000 human siya mapamatud-ang sad-an sa o “guilty of indirect contempt.”
Ang pagka-suspenso naggumikan sa mga pasangil nga gihatagan ni Garcia og special permit ang Shalom Construction, Inc. niadtong Mayo 14, 2024 nga walay Environmental Compliance Certificate (ECC) o Certificate of Non-Coverage (CNC) nga gi-issue sa Department of Environment and Natural Resources (DENR), o una nga konsultasyon sa ubang hingtungdang ahensya sa gobyerno.
Apan, ligdong ang baruganan ni Outgoing Cebu Governor Gwendolyn Garcia nga ang Court of Appeals (CA) nipagawas og Temporary Restraining Order (TRO) batok sa unom ka buwan nga preventive suspension nga giluwat sa Office of the Ombudsman kaniadtong Abril 23, 2025.
Pero bisan paman, ang Ombudsman gipangulohan ni Samuel Martires, nipagawas og mando nga nagdeklara nga guilty si Garcia sa indirect contempt human siya misalikway sa pagsunod sa maong suspension.
Subay sa nahimong desdisyon sa Ombudsman, nagpabilin sa iyang pwesto si Garcia, hinungdan nga gipahamtangan siya sa Ombudsman sa kasong indirect contempt. Apan, gitagaan og katin-awan sa kampo ni Garcia nga masaligon sila nga lig-on ang TRO ug adunay legal nga basihanan ang ilang mga kalihokan. | Bombo Irene Ardiente
