DUMANJUG, CEBU-Adunay pagatukron nga bag-ong Civic and Business Center sa lungsod sa Dumanjug sa kasadpang bahin sa probinsya sa Sugbo nga pormal nga gibuak atol sa seremonyas niini kagahapong aldawa sa Biyernes, Oktubre 4, 2024.
Ang maong konstruksyon magbalor sa kaping P600-milyones nga nahimutang sa 27-ka ektaryang luna sa Barangay Tapon sa maong lungsod.
Matod pa ni Dumanjug Mayor Efren Guntrano “Gungun” Gica nga ang maong istruktura ipangan sa anhing gobernadora Pablo “Pabling” Garcia aron paghatag og dungog kaniya nga kanhi gobernador sa lalawigan sa Sugbo ug kongresista sa ilang distrito.//
Ang pamilyang Garcia pinangulohan ni Gobernador Gwendolyn Garcia nitambong sa groundbreaking ug capsule laying sa maong civic center nga replica sa Cebu Capitol Building sa dakbayan sa Sugbo.
Gipasalamatan sa mga Garcia ang lungsod sa paghatag ug pasidungog kang anhing Gobernador Pabling pinaagi sa paghingalan sa nasangpit nga sentro kaniya.
Ang nasangpit nga sentro gipaabot nga mahuman sa kapin sa usa ka tuig. Kung makompleto na, ipahimutang niini ang lainlaing mga opisina sa Munisipyo sa Dumanjug.
Si Mayor Gica niingon nga ilang giplanohan nga gamiton ang lima ka ektarya gikan sa 27 ka ektarya nga propyedad alang sa Municipal Agriculture’s Office.
Plano usab sa LGU nga imbitahon ang mga ahensya sa nasudnong kagamhanan nga magtukod ug mga lokal nga buhatan sa maong sentro.
Dugang pa nga usa ka sports facility sab ang gitan-aw sa nasangpit nga lugar ingon man mga komersyal nga patigayon aron mapausbaw ang mga kalihokan sa ekonomiya sa nasangpit nga lungsod.
