Giklaro sa tigpamaba sa Philippine Coast Guard (PCG) sa WPS Commodore Jay Tarriela nga kinahanglan una kining aprobahan ni Presidente Ferdinand Marcos Jr., ang rekomendasyon sa National Maritime Council nga ipahibalo sa publiko ang pagpahigayon sa regular nga rotation ug resupply missions sa military outpost sa nasud BRP Sierra Madre sa Ayungin shoal.
Gani, girekomendar kini sa konseho nga gipangulohan ni Executive Secretary Lucas Bersamin ngadto sa Presidente sa usa ka tigom sa Palasyo sa Malacañang.
Matud ni Bersamin, nga wala’y nakita nga sayup sa pagpahibalo sa mga misyon sa RoRe nga magpabilin nga naandan ug regular.
Nasayran nga gihimo ang tigom human gimando ni Marcos sa mga concerned Cabinet secretaries nga hisgotan ang laing insidente sa Ayungin shoal diin 7 ka mga personahe sa Philippine Navy ang naangol, lakip ang usa nga grabeng naangol ug naputlan sa iyang tudlo.
Samtang, sa usa ka press conference ni Comm. Tarriela nga ang AFP ug PCG padayon nga magtinabangay sa pagpahigayon og resupply missions sa umaabot.
Dugang pa niya nga ang resupply operation padayong isipon nga ordinaryo, lehitimo ug naandan nga operasyon sa Armed Forces sa Pilipinas.
