Pormal nang gihakop sa bag-ong mayorya sa Senado ang tibuok kontrol sa lehislatura human opisyal nga gipili kagahapong adlawa, Miyerkules, Hunyo 3, ang bag-ong set sa committee chairmanships dungan sa pagdeklara og quorum.
Nagkanayon si Atty. Remeses Victorious Villagonzalo, Cebuano ICC-accredited Lawyer nga ang iyahang baruganan sa kasamtangang kausaban karon sa Senado mao nga ang gibasihan sa forum ang 24 gibahin og kaduha, dayun gipun-an og usa, hinungdan nga 13 na, kini gumikan matod pa niya, walay pwesto nga na deklarang bakante.
Mao kini ang gikabutyag ni Villagonzalo sa eksklusibong pakighinabi sa Bombo Radyo Cebu news team kaniya, diin iyaha pang gidugang nga kung ang gisaligan sa uban mao ang Avelino vs. Cuenco, ang labing gamhanang legal nga sandiganan sa matag higayon nga adunay “leadership shakeup,” walkout, o lalis sa quorum sa Senado, iyang giklaro nga dili kini parehas og sitwasyon.
Kini tungod kay matod pa niya ang usa ka Senador kaniadto kabahin ining Avelino vs. Cuenco anaa man sa America, apan ang kasamtangang mga Senador karon sa nasud, anaa man sa Territorial Jurisdiction sa Philippine Senate.
Samtang, gitino usab ni Villagonzalo nga sa iyahang habig, illegal ang gibuhat karon sa bag-ong mayorya ubos pagdumala ni kasamtangang Pro Tempore Win Gatchalian ang pag-convene sa Senado, apan alang mga Senador nga nipartisipar, matod niya, ang gisaligan niini ang Avelino Doctrine, diin nagpasabot kini nga kung si kinsa ra kadtong available nga mamahimong mo partisipar.
Namasin usab siya nga gituohang ang baruganan sa mga Senador wala na gilakip o gi-disregard sa ihap si Sen. Bato dela Rosa, kinsa kasamtangang naghupo-hupo ug nagtago-tago, ug si Senador Jinggoy Estrada, kinsa kasamtangang nagtingkagol usab sa prisohan.
Apan kung sa baruganan ni Villagonzalo, ang basihan sa forum mao ang 24 kabuok, ma-konsiderang illegal kini kung ang 12 kabuok nag-convene.
Ingun man iyahang gidugang nga kadtong 12 kabuok nga nag-convene, para kanila ang gibasihan sa forum mao nalang ang 22 kabuok, ug para nila, legal kadto.
